Vaazhiviyal unmaikal aayiram 371-380 : வாழ்வியல் உண்மைகள் ஆயிரம் 371-380

வாழ்வியல் உண்மைகள் ஆயிரம் – திருக்குறள்

இலக்குவனார் திருவள்ளுவன்

பதிவு செய்த நாள் : 29/09/2011




371 உலகம் எள்ளாததை எண்ணிச் செய்க.
372 செயல் வலிமையுடன் தன்வலிமை, மாற்றான் வலிமை, இருவர்க்கும் உதவுநர்  வலிமை அறிந்து செய்க.
373 முடியக் கூடியதை அறிந்து செய்தால் முடியாதது எதுவுமில்லை.
374 வலிமையறியாத ஊக்கம் கேடு தரும்.
375 தன்னை மிகுதியாய் மதிப்பிடுபவன் விரைவில் கெடுவான்.
376 மெலியோர் சேர்க்கையும் வலிமையாகும்.
377 அளவு கடந்த ஊக்கமும் அழிவே தரும்.
378 வரும் வழி அறிந்து கொடுத்தால் வளம் பெருகும்.
379 வரவிற்கேற்ப செலவினைச் சுருக்கினால் கேடு இல்லை.
380 வருவாய் அளவை அறியாதாவனின் வளம் இல்லாமல் போகும்.

(வாழ்வியல் உண்மைகள் ஆயிரம் – திருக்குறள் 361-370)

 

http://www.natpu.in/?p=16146

Vaazhviyal unmaikal aayiram 361-370: வாழ்வியல் உண்மைகள் ஆயிரம் 361-370

வாழ்வியல் உண்மைகள் ஆயிரம் – திருக்குறள்

இலக்குவனார் திருவள்ளுவன்

பதிவு செய்த நாள் : 28/09/2011




361 அழிவு, ஆக்கம், ஊதியம் கருதிச் செய்க.
362 அருந்துணையுடன் ஆராய்ந்து செய்தால் ஆகாதது ஒன்றும் இல்லை.
363 முதல் இழக்கும் ஆக்கம் அறிவுடையார் கொள்ளார்.
364 இழிவு கண்டு அஞ்சுவோர் தெளிவின்றித் தொடங்கார்.
365 வழிவகை ஆராயாது செய்தல் பகைவர்க்கு இடம் கொடுக்கும்.
366 செய்யக்கூடாததைச் செய்தால் கேடு வரும்.
367 செய்ய வேண்டியவற்றைச் செய்யாவிட்டாலும் கேடு வரும்.
368 எண்ணித் துணிக; துணிந்த பின் எண்ணாதே.
369 முறையற்ற முயற்சி பலர் துணைபுரிந்தாலும் வீணாகும்.
370 அவரவர் தன்மைக்குப் பொருந்தா நன்மையும் தவறாகும்.

(வாழ்வியல் உண்மைகள் ஆயிரம் – திருக்குறள் 351-360)

http://www.natpu.in/?p=16069

Vaazhviyal unmaikal aayiram 351-360: வாழ்வியல் உண்மைகள் ஆயிரம் 351-360

வாழ்வியல் உண்மைகள் ஆயிரம் – திருக்குறள்

இலக்குவனார் திருவள்ளுவன்

பதிவு செய்த நாள் : 27/09/2011



351 நல்லவர் தொடர்பைக் கைவிடுவது பலரின் பகையினும் பன்மடங்குத்   தீமையாகும்.
352 சிற்றினம் கண்டு அஞ்சுவதே பெருமை.
353 சிற்றினத்தைச் சுற்றமாக்குவது சிறுமை.
354 சேர்க்கையைப் பொறுத்தே அறிவு அமையும்.
355 மனத்தால் அமையும் உணர்ச்சி; இனத்தால் அமையும் தன்மை.
356 மனத் தூய்மையும் செயல் தூய்மையும் இனத் தூய்மையால் அமையும்.
357 இனத் தூய்மையால் ஆகாத நல்லது எதுவுமில்லை.
358 மனநலம் ஆக்கம் தரும்; இனநலம் புகழ் தரும்.
359 மனநலம் இருப்பினும் இனநலமே பாதுகாப்பு.
360 நல்லினமே நல்ல துணைங் தீயினமே மிகுந்த துன்பம்.

(வாழ்வியல் உண்மைகள் ஆயிரம் – திருக்குறள் 341 – 350)

http://www.natpu.in/?p=16015

vaazhviyal unmaikal aayiram 341-350 : வாழ்வியல் உண்மைகள் ஆயிரம் 341-350

வாழ்வியல் உண்மைகள் ஆயிரம் – திருக்குறள்

இலக்குவனார் திருவள்ளுவன்

பதிவு செய்த நாள் : 26/09/2011




341 செய்யக் கூடாததைச் செய்பவன் செல்வம் அழியும்.
342 உன்னை நீயே புகழாதே.
343 நன்மை தராதவற்றை விரும்பாதே.
344 அறனறிந்த அறிவுடையாருடன் பழகு.
345 வந்த துன்பம் நீக்கி வரும் துன்பம் காப்போரைப் போற்றுக.
346 பெரியோரைப் பேணுதலே சிறந்த செயல்.
347 நம்மைவிடப் பெரியார் வழி நிற்றல் வலிமையுள் வலிமையாகும்.
348 இடித்துரைப்பாரைத் துணையாகக் கொண்டால் கெடுப்பார் யாருமிலர்.
349 இடித்துரைப்பார் இல்லையேல் தானே கெடுவான்.
350 முதல் இல்லையேல் ஊதியமும் இல்லை.

(வாழ்வியல் உண்மைகள் ஆயிரம் – திருக்குறள் 331-340)

http://www.natpu.in/?p=15942

Vaazhviyal unmaikal aayiram 331-340 : வாழ்வியல் உண்மைகள் ஆயிரம் 331-340

வாழ்வியல் உண்மைகள் ஆயிரம் – திருக்குறள்

இலக்குவனார் திருவள்ளுவன்

பதிவு செய்த நாள் : 23/09/2011



331 உலகத்தைத் தழுவி வாழ்வது அறிவு.
332 அறிவுடையார் நிகழக்கூடியதையும் அறிவர்.
333 அஞ்ச வேண்டியதற்கு அஞ்சாதிருத்தல் அறிவின்மை.
334 அஞ்ச வேண்டியதற்கு அஞ்சுதல்அறிவுடைமை.
335 வருமுன் காக்கும் அறிவாளருக்குத் துன்பம் இல்லை.
336 அறிவு இருப்பின் எல்லாம் இருக்கும்.
337 தினையளவு குற்றத்தையும் பனையளவாகக் கருதி நாணுக.
338 குற்றம் அழிவு தரும் பகை.
339 வரும் முன்னர்க் காக்காதவன் அழிவான்.
340 உன் குற்றம் நீக்கிப் பிறர் குற்றம் காண்க.

(வாழ்வியல் உண்மைகள் ஆயிரம் – திருக்குறள் 321-330)

http://www.natpu.in/?p=15742

vaazhviyal unmaikal aayiram 321-330: வாழ்வியல் உண்மைகள் ஆயிரம் 321-330

வாழ்வியல் உண்மைகள் ஆயிரம் – திருக்குறள்

இலக்குவனார் திருவள்ளுவன்

பதிவு செய்த நாள் : September 22, 2011




321 கற்காவிட்டாலும் கேட்க.
322 ஒழுக்கம் உடையார் சொல் ஊன்றுகோலாய் உதவும்.
323 நல்லவை கேட்டால் பெருமை சேரும்.
324 கேட்டறியாச் செவி கேளாச் செவியே.
325 செவிச்சுவை உணராதோர் இறந்தென்ன? இருந்தென்ன?
326 அறிவே அழிவிலிருந்து காக்கும் கருவி.
327 அறிவே பகைவராலும் அழிக்க முடியாத அரண்.
328 நன்மையின் பக்கம் செலுத்துவது அறிவு.
329 சொல்வது யாராயினும் உண்மைப் பொருள் காண்பதே அறிவு.
330 நுண்ணியன கேட்டு எளிமையாய்ச் சொல்லல் அறிவு.
(வாழ்வியல் உண்மைகள் ஆயிரம் – திருக்குறள் 311-320)

http://www.natpu.in/?p=15685

vaazhviyal unmaikal aayiram 301-310: வாழ்வியல் உண்மைகள் ஆயிரம் 301-310

வாழ்வியல் உண்மைகள் ஆயிரம் – திருக்குறள்

இலக்குவனார் திருவள்ளுவன்

பதிவு செய்த நாள் : September 20, 2011



301. நடுவுநிலையுடன் காப்போர் மக்கட்கு இறை.
302. இடித்துரை பொறுக்கும் தலைவனின் கீழ் உலகம் தங்கும்.
303. கற்கவேண்டியவற்றைத் தீதின்றிக் கற்க வேண்டும்.
304. நம் குற்றம் நீங்கக் கற்க வேண்டும்.
305. கற்றதைப் பின்பற்றி வாழ்க.
306. கலையும் அறிவியலும் இரு கண்கள்.
307. கற்றவரே கண்ணுடையவர்.
308. அறிஞர் மகிழுமாறு கூடி வருந்துமாறு பிரிவர்.
309. கற்க கற்க ஊறும் அறிவு.
310. கற்றவர்க்கு எல்லா ஊரும் தம் ஊரே.
(வாழ்வியல் உண்மைகள் ஆயிரம் – திருக்குறள் 291-300)

http://www.natpu.in/?p=15300