உயிர்ப்பு நாளன்று (21.04.2019) காலை 8.30 மணி முதல் 9.15மணிக்குள்ளாக, கொழும்பு கொச்சிக்கடை புனித அந்தோனியார் தேவாலயம், நீர்க் கொழும்பு தேவாலயம், சாங்குரிலா நட்சத்திர விடுதி, கிங்சுபரி நட்சத்திர விடுதி, சின்னமான் பெரு நட்சத்திர விடுதி, மட்டக்களப்பு தேவாலயம் ஆகிய ஆறு இடங்களில் குண்டு வெடிப்புகள் நிகழ்ந்தன.
தொடர்ந்து நண்பகல் இரண்டு மணியளவில், தெஃகிவலாவிலும், கொழும்பு தெமடகொட பகுதியிலும் குண்டு வெடிப்புகள் நிகழ்ந்தன.
3 நாளுக்குப் பின்னர் இலங்கை கம்பஃகாவில் நீதிமன்றம் அருகே மீண்டும் ஒரு குண்டு வெடித்தது. எனினும் ஆற்றல் குறைந்த வெடி குண்டு என்பதால் உயிரிழப்பு எதுவும் இல்லை.
தொடர் குண்டு வெடிப்புகளில் சிக்கி 359 பேர் பலியாகிவிட்டனர். எண்ணிக்கை உயரும் என்ற அச்சமும் உள்ளது. 500-க்கும் மேற்பட்டவர்கள் காயம் அடைந்து பல்வேறு மருத்துவமனைகளில் பண்டுவம் பெற்று வருகிறார்கள். அவர்களில் பலரது நிலைமை கவலைக்கிடமாக உள்ளதால் பலி எண்ணிக்கை உயரக்கூடும் என்ற அச்சம் எழுந்துள்ளது.
இந்தியா, பிரித்தானியா, அமெரிக்கா, நெதர்லாந்து, ஆத்திரேலியா, இசுபெயின், சுவிட்சர்லாந்து, துருக்கி நாட்டவர்களும் இருபத்தேழுபேர் வெடிகுண்டுகளால் பலியாகியுள்ளனர். வங்கதேசம், சீனா, சப்பான், போர் த்துக்கல் நாட்டவர்கள் காயமுற்றிருக்கலாம். பலியானவர்களில் பத்தில் ஒன்பதுபேர் இலங்கை, ஈழத்தைச் சேர்ந்தவர்களே! இவ்வாறு பி.ஒ.நி.(பி.பி.சி.) தெரிவித்துள்ளது.
இத் தொடர் குண்டு வெடிப்புகளில் உயிரிழந்தவர்கள் எச்சமயத்தவராக / எவ்வினத்தவராக / எம்மொழியினராக / எந்நாட்டவராக இருந்தாலும் அவர்களின்குடும்பத்தினருக்கும் உறவினர்களுக்கும் ஆறுதல்களைத் தெரிவிக்கிறோம். மருத்துவமனைகளில் இருப்போரும் விரைவில் முழு நலம் பெற்று அவரவர் இல்லம் திரும்புவார்களாக!
இந்தியாவில் இருந்து எச்சரிக்கை அனுப்பியும் இலங்கை அரசு தொடர் வெடிகுண்டுத் துயரத்தைத் தடுக்க முயலவில்லை. தமிழ்நிலங்களில்தானே குண்டு வெடிப்பு நிகழும் என அமைதி காத்ததா எனத் தெரியவில்லை. எனினும் இதன் பின்னர்த் திறமையாகச் செயல்படுகிறது. இறந்தவர்களில் பெரும்பான்மையர் தமிழ்மக்கள்தாம். சிங்களவர்கள் இறந்திருந்தால் விடுதலைப்புலிகள் அல்லது தமிழ்ப் பயங்கரவாத அமைப்பு ஈடுபட்டதாகக் கூறி உலக ஆதரவைப் பெற்றிருக்கும். இப்பொழுது அவ்வாறு சொல்ல முடியாது. நூறாயிரக்கணக்கான ஈழத்தமிழர்களைக் கொன்ற சிங்கள அரசிற்கு நூற்றக்கணக்கான தமிழர்கள் கொல்லப்பட்டது குறித்துப் பெருங்கவலை எதுவும் இருக்க வாய்ப்பில்லை.
ஆனால் ஆட்சிக்கு அவப்பெயர் என்பதால் எச்சரிக்கையாகச் செயல்பட்டு இறந்தவர்கள் இனம் அல்லது நாடு குறித்த செய்தி வெளிவராமல் பார்த்துக் கொண்டது.
இசுலாமிய அரசு என்னும் அமைப்பு கொடுநிகழ்வுகளுக்குப் பொறுப்பு ஏற்றுள்ளது. தற்கொலைப்படைஞர் எழுவர் கொண்ட குழுப்படமும் வெளியிட்டுள்ளது. இலங்கை அரசும் காரணமானவர்களாகச் சிலரைக் கைது செய்துள்ளது. குற்றவாளிகள் தண்டிக்கப்படுவது குறித்துக் கவலைப்பட மாட்டார்கள். ஆனால், அவர்களால் இசுலாமியர அனைவருக்குமே இடர்ப்பாடு நேரலாம். அப்பாவி மக்கள் கொல்லப்படுவது எங்கு எப்பொழுது நேர்ந்தாலும் கொடுமைதான்.ஆனால், தம் சமயம் சார் ஓர் இறை மீது நம்பிக்கை உள்ளவர்கள் பிற சமயத்தவர் தம் இறைவனை வணங்கும் இடத்தில் வணங்கும் பொழுது கொல்வது கொடுமையல்லவா?
ஆட்சி நிலைப்பிற்காகவும் நெருக்கடி நிலை கொண்டுவரவும் ஆள்வோரே இதற்குக் காரணமாக இருக்கலாம் அல்லது பக்சே காரணமாக இருக்கலாம் என்ற எண்ணம் பலரிடம் எழுந்தது. ஆனால், படைத்துறை உயர் அதிகாரிகளும் காவல்துறை உயர் அதிகாரிகளும்தான் காரணம் என அரசு கூறியுள்ளது. எனவே, பாதுகாப்புத் துறைச் செயலர் முதலான முதன்மை அதிகாரிகள் பதவி விலக வேண்டும் என அதிபர் சிறிசேனா அறிவித்தார். பாதுகாப்புத் துறைச் செயலர் எமசிரி ஃபெர்னாண்டோ மட்டும் இதுவரை பதவி விலகியுள்ளார்.
தொடர் குண்டுவெடிப்பு நிகழ்வுகள் தொடர்பாக உயர்மட்ட விசாரணை நடத்த உச்ச நீதிமன்ற நீதிபதி விசித்து மலால்கோடா தலைமையில் முன்னாள் காவல்துறைத் தலைவர் என்.கே.இலங்கக்கூன், சட்டம்-ஒழுங்கு அமைச்சகத்தின் முன்னாள் செயலர் பத்மசிறி செயமன்னே ஆகியோரைக் கொண்ட சிறப்புக் குழுவை அதிபர் மைத்ரிபாலா சிறிசேனா அமைத்துள்ளார். இக் குழு விரிவான விசாரணை நடத்தி இரு வாரங்களுக்குள் அரசிடம் அறிக்கை அளிக்க உத்தரவிடப்பட்டுள்ளது.
இலங்கையில் இசுலாமியர்களுக்கும் பிற சமயத் தமிழர்களுக்கும் மோதல் நடப்பதுபோலோ இசுலாமியர்களுக்கும் பெளத்தர்களுக்கும் மோதல் நடப்பதுபோலோ, இசுலாமியர்களுக்கும் கிறித்துவர்களுக்கும் இடையே மோதல் நடைபெறுவது இல்லை. மேலும், நியூசிலாந்து பள்ளிவாசல் வெடிகுண்டு நிகழ்விற்குப் பழிதீர்ப்பதாக இருந்தால் ஏதேனும் கிறித்துவ நாட்டில்தானே பழி வாங்கியிருக்க வேண்டும். பெளத்த நாட்டில் ஏன் வெடிகுண்டுகளை வெடிக்கச் செய்ய வேண்டும்? தமிழ்க்கிறித்துவர்கள் கூடும் இடமாக ஏன் தேர்ந்தெடுக்க வேண்டும்? வெவ்வேறு மாநிலங்களில் தொடர் குண்டு வெடிப்பு நிகழ்த்துகிறார்கள் என்றால்பெரும் சதி வலைப்பின்னலும் உள்நாட்டுப் பாதுகாப்புத் துறை / படைத்துறை/ காவல் துறை/ உளவுத் துறை முதலானவற்றில் பணியாற்றுவோர் தொடர்பு இல்லாமலும்ஆட்சியில் உள்ள சிலரின் ஒத்துழைப்பு இல்லாமலும் செய்திருக்க முடியாது என மக்கள் எண்ணுகிறார்கள். மேலும், சிங்கள மக்களிடையேயும் பாதுகாப்பின்மை, அச்சம், அமைதியின்மை முதலான கவலைகளையும் பதற்றத்தையும் இக்கொடும் துயர நிகழ்வு ஏற்படுத்தி உள்ளது.
எனவே, தீவின் முழு நலன்கருதி இக் குழு நடுவு நிலைமையுடன் செயல்பட்டு அஞ்சாமல் உண்மையை வெளிக் கொணர வேண்டும் என்று வேண்டுகிறோம்.
புலன் உசாவலில் ஈடுபடும், அல்லது சிங்கள அரசிற்கு ஒத்துழைக்கும் பிற நாடுகளும் உண்மையை வெளிக் கொணருவதில் கருத்து செலுத்தித் தமிழ் மக்களுக்கு முழுமையான பாதுகாப்பு வழங்க ஆவன செய்ய வேண்டும்.
பலியானவர்களின் துயர் துடைப்புப்பணிகளிலும் உடனடியாகக் கூடுதல் கருத்து செலுத்த வேண்டும்!
இலங்கையைத் தமிழில் குறிப்பிடும் நம்நாட்டுத்தமிழர்களும் இலங்கைத்தமிழர்களும் ஈழத்தமிழர்களும் உலகத்தமிழர்களும் அரசுமுறைப் பெயரைச்சரியாகக் குறிப்பிடுவதாக எண்ணிச் சிரீ இலங்கா என்றே குறிப்பிடுகின்றனர்.
ஈழம், இலங்கை என்பன
தொடர்புடைய பெயர்களே! ஈழத்துப் பூதன்தேவனா் என்னும் புலவர் சங்கக்காலத்தில்
வாழ்ந்துள்ளார். ஈழத்து உணவு என்பதைப் பட்டினப்பாலை குறிப்பிடுகிறது.
சங்க இலக்கியத்தில் இலங்கை என்றும்
சொல்லாட்சி உள்ளது. ‘தொன்மாவிலங்கை எனச் சிறுபாணாற்றுப்படை குறிக்கிறது.
‘இலங்கை கிழவோன்’ எனப் புறநானூறு(379) குறிப்பிடுகிறது.
ஈழம் என்றால் பொன் எனப் பொருள்.
பொன்வேய்ந்த மாடங்கள் இருந்தமையால் – மிகுதியாகப்பொன் கிடைத்தமையால் –
அந்நாட்டிற்கு ஈழம் என்னும் பெயர் வந்துள்ளது. பொன் என்றால்
ஒளிவிடுவதுதானே! இலங்கு என்றால் ஒளிர்தல், திகழ்தல், ஒளிவிடுதல் என்பன
பொருளாகும். பொற்கட்டடங்கள் ஒளியுடன் திகழ்ந்த – இலங்கிய- நாடு என்பதால்
இலங்கை என அழைத்தனர். எனவே, முதற்பெயர் ஈழம் என்பதுதான். எனினும்காலப்போக்கில் இரண்டு பெயருமே அழைக்கப்பெற்றுப் பின்னர் இலங்கை என்பது நிலைக்கத்தொடங்கியது.
இலங்கை > இலங்கா எனச் சிங்களத்தில் மருவியது.
திருநகர், திருநெல்வேலி, திருத்தணிகை
என்றெல்லாம் நாம் அடை மொழி சேர்த்து அழைப்பதுபோல் இலங்கா என்பது சிரீ
என்னும் அடைமொழியுடன் சேரத்து சிரீ இலங்கா ஆனது. இப்பழக்கம் 20 ஆம் நூற்றாண்டு தொடக்கத்தில்தான் அறிமுகமானது.
1935 இல் உருவான இலங்கை மார்க்சியக்
கட்சி – மார்க்சிய இலங்கா சமா சமாசா கட்சி – சிரீ ஒட்டினைச் சேர்த்துப்
பயன்படுத்தியது. 1952இல் சிரீ இலங்கா விடுதலைக் கட்சி தோன்றியது(Sri Lanka
Freedom Party ).
எனினும் இலங்கை அரசாங்கம் 1972 இல்
குடியரசை நடைமுறைப்படுத்தி தன் அரசியல் யாப்பின் மூலம் இலங்கை(சிரீ
இலங்கா) மக்கள்நாயக, சமவுடைமை குடியரசு(இலங்கைச் சனநாயக,சோசலிசக்
குடியரசு-Democratic Socialist Republic of Sri Lanka ) எனப் பெயரைக்
குறிப்பிட்டது.
இவ்வாறு ஆட்சி முறை அடிப்படையில் நாட்டைக் குறிக்கும் பொழுது தமிழில் இலங்கை என்றும் சிங்களத்தில் சிரீலங்கா என்றும் குறித்துள்ளது.
மக்களும் ஊடகத்தினரும் குடியேற்ற அடிமையாட்சியில் பரவிய சிலோன் என்ற பெயரையே பயன்படுத்தி வந்தனர்.
போர்த்துகீசியர்கள் இலங்கை என்பதைச்
சிய்லோ / சிய்லா (Ceilao) என அழைத்தனர். இதனை ஆங்கிலேயர்கள் வந்தபின்னர்
சிய்லான் / சிலான் / சிலோன் என்றனர். இதனையே நாட்டு மக்கள் பயன்படுத்தி
வந்தனர். இதற்கு முற்றுப்புள்ளி வைப்பதற்காக 2011 இல் சிங்களத்தில் சிரீ
இலங்கா என்றும் தமிழில் இலங்கை என்றும்மட்டுமே அழைக்கவேண்டும் என அரசு
அறிவித்தது. எனினும் வணிகக்குறியீட்டுப் பெயர்களில் உள்ள சிலோன் தொடர
இசைவளித்தது.
இவ்வாறு பெயர் மாற்றத்ததை வலியுறுத்தியபோதும் சிங்களத்தில் சிரீ லங்கா என அழைக்கவேண்டும் என்ற அரசு தமிழில் இலங்கை என்ற தமிழ்ப்பெயரையே அழைக்குமாறுதான் அறிவித்துள்ளது. சிங்களப் பெயரே ஆங்கிலத்திலும் அழைக்கப் படுகிறது.
இலங்கை விடுதலை பெற்றதிலிருந்து அந்நாட்டு அரசு அந்நாட்டின் பெயரைத் தமிழில் இலங்கை என்றுதான் குறித்து வருகிறது.
இப்பொழுதும் அரசலுவலகங்கள், வானூர்தி நிலையங்கள், தொடரி நிலையங்கள்,
திட்டங்களின் பெயர்கள், கடவுச்சீட்டு போன்ற ஆவணங்கள் முதலான எல்லா
இடங்களிலும் இலங்கை அரசாங்கம், இலங்கை என்ற தமிழ்ப்பெயரைத்தான் தமிழில்
கையாண்டு வருகிறது. ‘(இ)லங்காசிரீ’ என்னும் எரிபொருள் நிறுவனம்
ஒன்றுமட்டுமே அதன் பெயரே அவ்வாறு அமைந்துள்ளதால் அப்பெயர்ச்சொல்லையே
தமிழில் குறிப்பிடுகிறது. வேறு எங்கும் அரசின் பெயர் எந்த இடத்திலும்
சிரீலங்கா எனக் குறிக்கப் பெறவில்லை.
எனவே, இலங்கை நாட்டின் பெயரைச் சரியாகக் குறிப்பிடுவதாக எண்ணித் தமிழில் சிரீலங்காஎனக் குறிப்பதை முற்றிலும் நிறுத்துவோம்! அந்நாட்டின்அரசு முறைப்பெயரான இலங்கை என்பதையே எல்லா இடங்களிலும் குறிப்பிடுவோம்!
இலங்கையில் தமிழர்க்குரிய
நிலப்பகுதியை(த் தமிழ்) ஈழம் எனக் குறிப்பது குறித்து இங்கே நாம்
குறிக்கவில்லை. இலங்கை எனக் குறிப்பிடும்பொழுது சிரீலங்கா என்று சொல்லாமல்
இலங்கை என்றே சொல்லுங்கள் என்கிறோம்.
‘‘தமிழ் என்பது தூய தமிழ்ச் சொல்லே.
16 ஆயிரம் ஆண்டுகளுக்கு முற்பட்ட ஒரு மொழிக்கு ஈராயிரம் ஆண்டிற்கு
முற்பட்ட மொழியால் பெயர் இடப்பட்டது எனச் சொல்வது ஏற்கத்தக்கதா’’ என
வினவுகிறார். ஐந்தெழுத்தால்ஒருபாடையாகுமா
என்று சொல்வோருக்கு ‘‘8 எழுத்தால் சமசுகிருதததை ஒரு மொழி எனச் சொல்ல
முடியுமா? 2 எழுத்தால் ஆங்கிலத்தை ஒரு மொழி எனச் சொல்ல முடியுமா’’ என
விளக்கித் தமிழ், தனித்தியங்கும் மூல மொழி எனத் தெளிவுபடுத்துகிறார். சிலர்
தமிழ் மொழிக்கான பெயர் திராவிடம் என்றும் அதிலிருந்துதான் தமிழ்
வந்ததென்றும் குப்பைகளைக் கொட்டுகிறார்கள் அல்லவா? அவர்களுக்கும் தெளிவாகப்
பின்வருமாறு விடை பகர்கிறார் தாமோதரனார்.
இங்கிலீசுமொழியில்வடமொழிக்கில்லாதஎழுத்துக்கள்F, Z இரண்டாதலால்இரண்டெழுத்தாலொருமொழியின்றேயெனஅதனையும்மறுப்பார்போலும். இரண்டுக்குப்பொதுவாயுள்ளனவற்றைஒன்றற்கேஉரியனவாகத்தீர்த்துநடுவுநிலைமைகுன்றல்இவர்போலியர்க்குப்பெருங்குற்றமாம்.
இவை போலும் அறிஞர் சி.வை.தாமோதரனாரின் ஆழமான கருத்துகள் தமிழுக்கு என்றும் வலிவும் பொலிவும் நல்குவனவன்றோ!
அறிஞர் தாமோதரனார், தன்னரிய தமிழுக்குப்
பன்னலம் பெருகச் செய்து, பதிப்புத் துறையின் ‘முன்னோடி’ எனப் புகழ்
பெற்றுத் தமது அறுபத்து ஒன்பதாம் அகவையில், 1901ஆம் ஆண்டு தைத்திங்கள்
முதல் நாள், இவ்வுலக வாழ்வை நீத்தார்.
இலங்கையில் ஆனி 11, 2046 / சூன் 26, 2015 அன்று அரசுத்தலைவர் மைத்திரிபால சிறிசேன 14 ஆவது
நாடாளுமன்றத்தைப் பதவிக் காலத்திற்குப் பத்துத் திங்கள் முன்கூட்டியே
கலைத்தார். இதனால் நாடாளுமன்றத் தேர்தலுக்கான வாக்குப்பதிவு ஆடி 32, 2016 / ஆகத்து 17, 2015 திங்கள் கிழமை நடைபெறுகிறது. அமைய உள்ள 15 ஆவது நாடாளுமன்றத்திற்கு 225 உறுப்பினர்கள் தெரிவாகஉள்ளனர்.
இத்தேர்தலில் ஈழ
வாக்காளர்கள் சலனங்களுக்கு ஆட்படாமல் இனக் கொலையாளிகளையும்
இனப்பகைவர்களையும் வீழ்த்த வேண்டும். இராசபக்சேவை வீழ்த்தியதுபோல் பிற
கொலையாளிக் கும்பலகளையும் வீழ்த்த வேண்டும். தமிழ்ப்பகைவர்கள் மேதகு
பிரபாகரன் படம், திலீபன் முதலான ஈகியர் படங்களைப்
போட்டுக் கொண்டு தேர்தல் பரப்புரையில் ஈடுபட்டதில் மயங்கக் கூடாது. அற்ப
ஆசைகளுக்கும் இடம் தரக்கூடாது.
அயல்நாட்டில் உள்ளவர்களால் தக்கவருக்கு வாக்களியுங்கள் என்றுதான் சொல்ல முடியுமே தவிர, தக்கவர் யார் என அடையாளம் காடடுவது சிக்கலானது. மண்ணின் மைந்தர்களான தமிழ் ஈழ வாக்காளர்களுக்குத்தான் யார்? எவர்? எனத் தெரியும்.
இலங்கை முழுவதும்
தமிழர்கள் மட்டுமே வாழ்ந்த நாடுதான். அது தீவாக மாறிய பின்னர் சிங்களவரும்
இடம் பெற்று விட்டனர். இருப்பினும் பெரும்பான்மைத் தமிழர்களை ஓரங்கட்டிச்
சிறுபான்மைச் சிங்களவர் ஆட்சியைக் கைப்பற்றி பெரும்பான்மையராக
மாறிவிட்டனர். இலங்கை எமதே என்பது வரலாறாக மாறிவிட்டது. ஈழம் நமதே என்பது நாளைய வரலாறாக மாறும் வகையில் இன்றைக்கு நம்பிக்கை விதை ஆழமாக வேரூன்ற வேண்டும். 01.01.1600 இல் இலங்கையில் தமிழ் மக்கள் வாழ்ந்திருந்த பகுதிஇணைக்கப்பட்டுத் தமிழ் ஈழம் மலர வேண்டும். அதற்கு இப்போது வாக்குச்சீட்டு என்னும் ஆயுதத்தைத் தமிழ் ஈழ மக்கள் பயன்படுத்த வேண்டும். இதனால், உடனடியாக ஈழம் மலரா விட்டாலும் பகைவர்கள் ஒடுக்கப்படுவார்கள்.
உயிரைத் தந்த, குருதிய சிந்திய, வாழ்வை
இழந்த போராளிகளும் மக்களும் கண்ட கனவு உறுதியாய் ஒரு நாள் நனவாகும்.
அதற்கு இந்நாடாளுமன்றத் தேர்தலில் விழிப்புடன் செயல்பட்டு வாக்குரிமையை
வீணாக்காமல்
இனக் கொலையாளிகள் தண்டனை பெற,
இனப் பகைவர்கள் வீழ்ச்சியுற
தமிழினம் எழுச்சி பெற
இதனை இதனால் இவன்முடிக்கும் என்றாய்ந்து
அதனை அவன்கண் விடல். (திருவள்ளுவர், திருக்குறள் 517)
என்னும் தமிழ்நெறிக்கேற்ப வாக்களிக்க வேண்டும்.
சிங்கள மக்களும் தங்கள்
நிலம் தமிழர்க்குரியது என்பதையும் மண்ணிண் மைந்தர்களைப் போற்ற வேண்டும்
என்பதையும் தமிழினப்படுகொலைகளால் தங்களுக்கும் அழிவு ஏற்பட்டுள்ளதை
என்பதையும் உணர்ந்து, மனித நேயத்துடன் சிந்தித்துச்
சிங்களஇன வெறியர்களைத் தேர்தலில் புறக்கணிக்க வேண்டும். சிங்கள மக்களின்
அமைதிக்கு வழி வகுப்போரைத் தேர்ந்தெடுக்க வேண்டும். ஈழம் மலர மனித நேயர்கள்
துணை புரிய வேண்டும்!.
