சட்டச் சொற்கள் விளக்கம் 881-885- இலக்குவனார் திருவள்ளுவன்

 

இலக்குவனார் திருவள்ளுவன்      01 December 2024      No Comment

(சட்டச் சொற்கள் விளக்கம் 876-880 தொடர்ச்சி)

சட்டச் சொற்கள் விளக்கம் 881-885

881. animus manendi	தங்குகை நோக்கம் நிலை இருப்பிட நோக்கம் ஓரிடத்தில் காலரையறையின்றித் தங்கி அவ்விடத்தைத் தன் நிலையான இருப்பிடமாக ஆக்க எண்ணும் அகநிலை நோக்கமாகும்.   animus என்னும் இலத்தீன் சொல்லின் பொருள், உணர்வு, மனம், துணிவு,  சினம் முதலியன. இச்சொல் பெரும்பாலும் ஒரு குறிப்பிட்ட நோக்கத்தைக் குறிக்க மற்ற சொற்களுடன் இணைந்து பயன்படுத்தப்படுகிறது.  manendus என்னும் சொல்லில் இருந்து உருவான வடிவமே manendi என்பது. இதன் பொருள் இருத்தல், இருப்பிடம், வசிப்பிடம் என்பன. எனவே இத்தொடரின் பொருள் நிலையான இருப்பிடத்தை நிறுவும் நோக்கம். அஃதாவது, குறுங்காலமாக இடப்பெயர்வு மேற்கொண்டாலும் மீண்டும் திரும்பி வந்து நிலையான தங்குமிடமாகக் கொள்ளுதல், பெரும்பாலும் தனியார் பன்னாட்டுச் சட்டத்தில் (private international law) நிலையான வசிப்பிடத்தைக் குறிக்கப் பயன்படுத்தப்படுகிறது.
882. animus nocendi	தீங்கு நோக்கம் சட்டத்திற்கு எதிரான அறிவுடன் செயல்படும் குற்றம் புரியும் ஒருவரின்  அகமனநிலையைக் குறிக்கிறது. இலத்தீன் தொடர். காண்க  : animus manendi
883. animus possidendi	உடைமையாக்கும் எண்ணம் சொத்துடைமை வழக்கில் பொருளைக் கட்டுப்படுத்துவதற்காக ஒருவரின் உடைமையாக்கும் எண்ணத்தைக் குறிக்கிறது. இலத்தீன் தொடர். காண்க  : animus manendi
884. Animus testandi	விருப்பாவண நோக்கம் animus என்னும் இலத்தீன் சொல்லிற்கு விருப்பம், நோக்கம் முதலான பல்வேறு பொருள்கள் உள்ளன. testandi என்னும் இலத்தீன் சொல் விருப்பாவணத்தைக் குறிக்கிறது. விருப்பாவணத்தை எழுதும் போது அஃது இறுதி முறியாகவும் உண்மையான நோக்கத்தை வெளிப்படுத்துவதாகவும் இருக்க வேண்டும் என்பதை இந்த இலத்தீன் தொடர் உணர்த்துகிறது.   காண்க  : animus manendi
885. animus revertendi	திரும்புதல் நோக்கம் இடப்பெயர்ச்சி நோக்கம் இல்வளம்படாத காட்டில் வாழ்கிற மாற்றமை Animus revertendi என்பது இலத்தீன் சொற்றொடராகும், இதன் பொருள் “இடமாற்றம் செய்யும் நோக்கத்துடன்” அல்லது “திரும்புவதற்கான நோக்கத்துடன்”. உரிமை வழக்கு, பொதுச் சட்டம் இரண்டிலும் பயன்படுத்தப்படும் சட்டம் சார் சொல், சொந்தமான விலங்குகள், சொந்தமாக இருக்க முடியாத காட்டு விலங்குகளை வேறுபடுத்துகிறது. இது மற்றொருவரின் பேணுகையில் உள்ள காட்டு விலங்கு அல்லாத விலங்கைக் குறிக்கிறது.   இது சொத்துச் சட்டத்தால் (property law ) ஏற்கப்பெற்ற ஒரு வகை உடைமை உரிமையாகும். வேலை அல்லது படிப்பு நாடுநரின் aaaகாரணமாக  வேட்பாளரின் வசிப்பிடத்தை கைவிடக்கூடாது என்ற நோக்கத்தையும் இந்த சட்டக் கருத்து ஆதரிக்கிறது. காண்க  : animus manendi

(தொடரும்)
இலக்குவனார் திருவள்ளுவன்

சட்டச் சொற்கள் விளக்கம் 741-750 : இலக்குவனார் திருவள்ளுவன்

 

   ஃஃஃ     இலக்குவனார் திருவள்ளுவன்      11 September 2024      அகரமுதல

(சட்டச் சொற்கள் விளக்கம் 731-740 : தொடர்ச்சி)

சட்டச் சொற்கள் விளக்கம் 741-750

741. Additional Court	கூடுதல் நீதிமன்றம்   நீதிமன்றத்தின் பணிச்சுமையைப் பகிர்வதற்காகத் துணைச் சேர்க்கையாக அமைக்கப்படும் நீதிமன்றம் கூடுதல் நீதிமன்றம் ஆகும். கூடுதல் நீதிமன்றம் என்பது இயல்பான நீதிமன்றமாகவும் இருக்கலாம், அமர்வு நீதிமன்றம் முதலிய பிற நீதிமன்றமாகவும் இருக்கலாம்.
Additional District Magistrate	மாவட்டக்‌ கூடுதல்‌ குற்றவியல்‌  நடுவர்‌   மாவட்டக்‌ குற்றவியல்‌ கூடுதல்‌ நடுவர்‌   கூடுதல்‌ மாவட்டக்‌ குற்றவியல்‌  நடுவர்‌   கூடுதல் மாவட்டத்திற்கான குற்றவியல் நடுவர் எனப் பொருள் கொள்ளக் கூடாது.  மாவட்டக்‌ குற்றவியல்‌  நடுவர்‌ என்பதை ஓர் அலகுச் சொற்களாகக் கொண்டு கூடுதல் இணைக்கப்பட்டுள்ளது.   மாவட்ட அளவில் உள்ள குற்றவியல் கூடுதல் நடுவரின் பணிச்சுமைகளைக் குறைப்பதற்காக அமர்த்தப்படும் குற்றவியல் நடுவர்.
Additional Evidence	மேற்சான்று.   கூடுதல்‌ சான்று   கூடுதல் சாட்சியம் என்று வழக்கத்தில் கூறுகிறோம். எனினும் மேற்கொண்டு அமையும் சான்று என்பதால் மேற்சான்று என்பதே சரியாகும். தமிழ்ப்பேரகராதி இவ்வாறே குறிப்பிடுகிறது. கூடுதலாகத் தரப்படுகின்ற ஆவணம், தடயம், சான்றுரை, உத்து(அத்தாட்சி), எழுத்துக் குத்து(எழுத்துச் சான்று) எதுவாக இருந்தாலும் பொதுவாக மேற்சான்று எனப்படுகிறது.
Additional Judge	கூடுதல்‌ நீதிபதி   நீதிபதியின் பணிச்சுமையைக் குறைப்பதற்காக அமர்த்தப்படும் கூடுதல் நீதிபதி.
Additional Public Prosecutor	அரசுக் குற்றவியல் கூடுதல்‌ வழக்குரைஞர்‌   அரசு வழக்குரைஞரின் கூடுதல் பணிச்சுமையைப் பகிர்வதற்காக அமர்த்தப்படும் கூடுதல் அரசுக் குற்றவியல் ‌ வழக்குரைஞர்‌.
Additional Qualification	கூடுதல் தகுதி   ஒரு பணிக்குத் தேவையான அடிப்படைத் தகுதிகளைவிடக் கூடுதலாக இருந்தால் சிறப்பு எனக் கருதப்படும் தகுதிகள்
Additional Report	கூடுதல் அறிக்கை   அறிக்கை அளிக்கப்பட்ட பின்னர், மேற்கொண்டு கிடைக்கப்பெறும் தகவல் அடிப்படையில் அல்லது கூடுதலாக விவரம் அளித்தால் சிறப்பு என்று தோன்றும் பொழுது கூடுதலாக அளிக்கப்பெறும் மற்றோர் அறிக்கை
Additional Sessions Judge	கூடுதல் அமர்வு நீதிபதி   பணிச்சுமையைப் பகிர்வதற்காகக் கூடுதலாக அமைக்கப்படும் நீதிமன்றத்தின் நீதிபதி.
Additional Written Statement	கூடுதல் எதிருரை   கூடுதல் எதிர்வாதுரை, கூடுதல் மறுப்புரை என்பவற்றின் சுருக்கமாகக் கூடுதல் எதிருரை எனலாம்.   இவ்வாறு நேர் பொருளாகக் குறிக்கப்படும் முன்னர்க் கூடுதல் எழுத்துக்குத்து என்றனர்.   எழுத்து மூலமான வாதத்தை அளிப்பது எதிர்வாதியின் உரிமை. ஆனால், கூடுதல் எதிருரை அளிப்பது நீதிமன்றத்தின் மனத்தேர்விற்கேற்ப அமையும்.
Address	அளவளாவும் முறை   ஈடுபடுத்திக்கொள், உரைநிகழ்த்து; உரையாற்று; கண்டுபேசு, கப்பலை அனுப்பும் செய்கை, (வினை.) குறிவை சொற்பொழிவாளர் பேருரையாற்று,   முகவரி முகவரி எழுது, விண்ணப்பம்‌ செய்‌;   (கணிப்பொறித்துறையில்) நினைவகம்   address என்பதன் பல்வேறு பயன்பாடு: எ.கா.: This Legislation is to address this requirement. இந்தச் சட்டம்அந்தத் தேவையை நிறைவு செய்வதாக அமையும்.     Our partnership addresses a broad range of strategic and security concerns. பாதுகாப்பு குறித்த பல்வேறு விவகாரங்களை நம் இரு நாடுகளும் சேர்ந்து எதிர்கொண்டு வருகின்றன.   The Water Supply Scheme will provide safe drinking water to address the water woes of water deprived Dhule region. குடிநீர் வழங்கல் திட்டமானது, தண்ணீர் பற்றாக்குறையால் தவிக்கும் துலே மண்டலத்திற்குப் பாதுகாப்பான குடிநீரை வழங்கும்.   We must address the barriers of excessive banking secrecy, and complex legal and regulatory frameworks. வங்கி சேவைத் துறையில் உள்ள கமுக்கத் தன்மையை நீக்கவும், இதில் நிலவும் பல்வேறு சட்டப்படியான சிக்கல்களைக் களையவும் நாம் பாடுபட வேண்டும்.   Addere என்னும் இலத்தீன் சொல்லின் பொருள் ‘சேர்க்க’. இச்சொல்லில் இருந்து Addendum  உருவானது.

(தொடரும்)
இலக்குவனார் திருவள்ளுவன்