Monday, March 31, 2025

நாலடி நல்கும் நன்னெறி 4. – அறம் புரிந்து அருளாளர் ஆகுக!: இலக்குவனார் திருவள்ளுவன்

 




(நாலடி நல்கும் நன்னெறி 3 – பிறருக்குக் கொடுத்து உதவுங்கள்!: தொடர்ச்சி)

தோற்றம்சால் ஞாயிறு நாழியா வைகலும்

கூற்றம் அளந்துநும் நாளுண்ணும் ; ஆற்ற

அறஞ்செய் தருளுடையீர் ஆகுமின் ; யாரும்

பிறந்தும் பிறவாதா ரில்.

பொருள்: சூரியனை, முகத்தல் அளவுக்கருவியான ‘நாழி’ போன்று அளவுக் கருவியாகக் கொண்டு வாழ்நாளை இயமன் நாள்தோறும் அளக்கிறான். அவ்வாறு முழுமையாக உண்பதற்கு முன்னதாக அருள் உடையவர் ஆகுங்கள். இல்லாவிடில் பிறந்தும் பிறவாதவர்போல் கருதப்படுவீர்

சொல் விளக்கம்: தோற்றம்=நாள்தோறும் தோன்றும்; சால்=ஒளி மிகுந்த; ஞாயிறு=சூரியனை;நாழி ஆ=நாழி என்னும் அளவுக்கருவியாக; வைகலும்= நாள்தோறும்; கூற்றம்= இயமன்; அளந்து= அளவிட்டு; நும்= உங்களுடைய; நாள்= வாழ்நாளை; உண்ணும்=உண்பான், (ஆகையால்); யாரும்= அனைவரும்; பிறந்தும்=(மக்கட்பிறப்பாய்ப்) பிறந்தும்; பிறவாதாரில்=பிறவாது மேலுலகில் உள்ளவர் போல; ஆற்ற=மிகவும்; அறம்=அறத்தை; செய்து=செய்து; அருள் உடையீர் ஆகுமின்=அருள் உடையவர் ஆகுங்கள்.

சூரியன் காலத்தை அளக்கும் கருவியாக உள்ளது. எனவே, நம் வாணாளை அளக்கும் கருவியாகவும் அது உள்ளது. உண்ணும் என்பதால் உணவிற்கான கூலம்(தானியம்) முதலியவற்றை அளக்கும் நாழிக்கருவி போன்று சூரியனையும் கூறியுள்ளார் புலவர்.

‘மகிழம்பூ’  திரைப்படத்தில் மாயவநாதன்

தனக்குத் தனக்கு என்று ஒதுக்காதே – செய்த

தருமம் தலைகாக்கும் மறக்காதே

எனக் கூறுவதுபோல், தனக்கு என ஒதுக்கி வீணாக்காமல் பிறருக்கு வழங்கி நற்பேறு அடைய வேண்டும் என்பதே பாடல் கருத்து.

சட்டச் சொற்கள் விளக்கம் 941 – 945 : இலக்குவனார் திருவள்ளுவன்



(சட்டச் சொற்கள் விளக்கம் 936 – 940 : இலக்குவனார் திருவள்ளுவன்- தொடர்ச்சி)

941. Assuranceகாப்புறுதி  

வாக்குறுதி

  காப்பீடு   உறுதி,

நம்பிக்கை,

இசைவுறுதி,

வாழ்க்கைக் காப்பீடு,

அறுதியிடல்,

உத்தரவாதம் எனவும் பொருள்கள்.  

இறப்பு முதலிய துயர நிகழ்ச்சி அல்லது இழப்புகளுக்கு எதிராகக் காப்பீடு செய்தல்.  

  சட்டப்பூர்வச் சூழலில், “உத்தரவாதம்” என்பது ஒரு பொறுப்புறுதி அல்லது வாக்குறுதி.     வாக்குறுதியின் அடிப்படையில்தானே காப்பீடு வழங்கப்படுகிறது. எனவே,   இது காப்பீட்டையும் குறிக்கிறது.   

உண்மைச் சொத்தினை மாற்றிஅளிக்கும் செயலையும் குறிக்கிறது.  

ஏதேனும் நிகழலாம் அல்லது ஒப்புக் கொண்டபடி நேரலாம் என்பதன் அடிப்படையில் தரப்படும் உறுதி யுரை. இதுவே காப்பீட்டு உறுதி மொழியாகும்.  

காப்பீட்டைத் தெரிவிக்கும் ஆவணமுமாகும்.

  உ+ தரம் (உயர்வான + நிலைமை) என்பது தமிழ்ச்சொல்லே. உ என்னும் சுட்டு வடக்கு, உயர்ந்த என்னும் பொருள்களிலும் வரும்.  
942. Assurance of propertyசொத்துக்‌ காப்பீடு

சொத்துகளுக்கான உத்தரவாதம்

சட்டச் சூழல்களில், “சொத்து உத்தரவாதம்” என்பது ஒரு சொத்தில் உடைமையாளரின் உரிமைகள் அல்லது நலன்களுக்குக்  காப்பீடு அல்லது சட்ட ஒப்பந்தங்கள் போன்ற வழிமுறைகள் மூலம் காப்புறுதி அளித்தல் அல்லது பாது காத்தலைக் குறிக்கிறது.
943.  Assurance, lifeவாணாள் ஈட்டுறுதி  

ஆயுள் காப்பீடு  

ஆயுள்‌ காப்பீட்டு ஒப்பந்தம்‌  

வாழ்க்கைக் காப்பீடு  

சட்டப்பயன்பாட்டில், வாணாள் காப்பீடு அல்லது வாணாள் காப்புறுதி என்பது, காப்பீடு செய்யப்பட்டவர் இறந்தவுடன், வழக்கமான ஈட்டணம்(பிரீமியம்) செலுத்துதலுக்கு ஈடாக, ஒரு குறிப்பிட்ட தொகையை பயனாளிக்குச் செலுத்துவதாகக் காப்பீட்டாளர் உறுதியளிக்கும் ஒப்பந்தமாகும்.  

  வாணாள் காப்பீடு என்பது தனியருக்கும் காப்பீட்டு நிறுவனத்திற்கும்  இடையிலான ஒப்பந்தமாகும்.   காப்பீடடாளர் இறந்தால், அவருடைய பயனாளிகளுக்கு (குடும்பத்தினர், சார்ந்திருப்பவர்கள், முதலியோர்) நிதிப் பாதுகாப்பை வழங்குவதே இதன் முதன்மை நோக்கமாகும்.
944 Astonishதிகைக்கவை  

மலைப்பூட்டு  

ஐ  

திகைப்பு  

மடியுறை  

மலைப்பு  

மாயம்  

விந்தை  

விம்மிதம்

  வியப்பு  

 மலைப்பூட்டும் செய்தி  

சட்டச் சூழலில், திகைக்கவை /astonish என்பதற்கு ஒரு குறிப்பிட்ட, முறையான பொருள் இல்லை. இச்சொல் ஒரு பொதுவான பொருளில் பயன்படுத்தப் படுகிறது, அதன் அன்றாடப் பொருளைப் போலவே, ஒருவரைப் பெரிதும் வியப்பிலாழ்த்த அல்லது அதிர்ச்சியடையச் செய்வதைக் குறிக்கிறது,

பெரும்பாலும் எதிர்பாராத அல்லது நம்பமுடியாத சட்ட விளைவு அல்லது நிகழ்வை விவரிக்கும்போது இச்சொல் பயன்படுத்தப்படுகிறது.  
945. Astrayநெறிதிறம்பி  

வழிதவறி  

“வழிதவறிச் சென்றது” என்பது சரியான பாதை, திசை அல்லது ஏதாவது போகவேண்டிய பாதையிலிருந்து விலகி இருப்பதைக் குறிக்கிறது.  

சட்டச் சூழல்களில், “வழிதவறி(ச் சென்றது)” என்பது பொதுவாகப்  பாதையிலிருந்து விலகிச் சென்ற, தவறாக வழிநடத்தப்பட்ட அல்லது அதன் பாதையை இழந்த ஒன்றைக் குறிக்கிறது, இது பெரும்பாலும் தொலைந்து போன அல்லது தவறாக வழி நடத்தப்பட்ட ஏற்றுமதிகள் அல்லது விலங்குகளின் சூழலில் பயன்படுத்தப்படுகிறது.    

தொலைந்து போன அல்லது தவறாக வழிநடத்தப்பட்ட ஏற்றுமதிகள்: கப்பல் சட்டத்தில், “கட்டுப்பாடின்றி  வழிதவறிச் சென்ற” ஏற்றுமதி என்பது தவறாக வழிநடத்தப்பட்ட அல்லது அதன் சேர வேண்டிய பாதையிலிருந்து விலகிச் செல்லும் ஒரு பொதிவு அல்லது சரக்கைக் குறிக்கிறது, ஆனால் கூடுதல் கட்டணங்கள் இல்லாமல் அதைச் சரியான இடத்திற்கு வழங்க அதனைக் கொண்டு செல்பவர் கடமைப் பட்டிருக்கிறார்.  

“வழிதவறிச் சென்ற விலங்கு” என்பது  அதன் உரிமையாளரின் கட்டுப்பாட்டின் கீழ் இல்லாத, பொது அல்லது தனியார் இடங்களில் கட்டுப்பாடற்று, பெரிய அளவில் சுற்றித் திரியும் ஒரு விலங்கு என வரையறுக்கப்படுகிறது.  

பொதுவான பயன்பாடு: யாரோ அல்லது ஏதோ ஒன்று சரியான பாதை அல்லது பாதையிலிருந்து விலகிச் சென்ற சூழ்நிலைகளை விவரிக்கவும் இந்தச் சொல்லை இன்னும் விரிவாகப் பயன்படுத்தலாம்.   “உரிமையாளர் இல்லா நாய் வழிதவறிச் செல்லும் விலங்காகக் கருதப்பட்டு விலங்கு காப்பகத்திற்கு கொண்டு செல்லப்பட வேண்டும்.”.   “தற்போதைய சட்ட அமைப்பு வழிதவறிச் செல்லும் நீதிபதிகளைக் கையாள போதுமானதாக இல்லை என்று நீதிபதி இராய் கூறியுள்ளார்.”.  

(தொடரும்)

Saturday, March 29, 2025

பிறர் துன்பத்தையும் தம் துன்பம்போல் கருதுவதே அறம்! : சங்கப்புலவர்கள் பொன்னுரை– 6 : இலக்குவனார் திருவள்ளுவன்



(சங்கப்புலவர்கள் பொன்னுரை – 5 : தொடர்ச்சி)

               நல்லந்துவனார்கலித்தொகை 139, 1-3

நோ என்றால் துன்பம் எனப் பொருள்நோ என்பதிலிருந்து பிறந்ததே நோய்பிணியாளர்களுக்குத் துன்பம் தருவதால் பிணியும் நோய் எனப்படுகிறதுஇங்கே நோய் என்பது துன்பத்தையே குறிக்கிறது.

பிறர் துன்பத்தையும் தம் துன்பம் போல் கருதும் அறத்தைச் செய்தல் சான்றோர் கடமை என்கிறார் புலவர் நல்லந்துவனார்.

பிற உயிரினத் துன்பத்தையும் தம் துன்பம்போல் ஒருநாள் கருதினால் போதாதுஎன்றும் கருத வேண்டும் என்கிறார் புலவர்இதுவே தமிழ் நெறி.

                (திருக்குறள் ௩௱௰௫  315)

என்கிறார் திருவள்ளுவரும்.

பிற உயிர் துன்பத்தையும் தன் துன்பமாகக் கருதாவிட்டால் அறிவினால் என்ன பயன் என்கிறார் திருவள்ளுவர்.

மக்களுக்கு வரும் துன்பம் மட்டுமல்லபறவையினம்விலங்கினம்ஊர்வன இனம்நீர் வாழ்வன இனம் போல் எந்த உயிரினத்திற்குத் துன்பம் வந்தாலும் நமக்கு வந்ததாக வருந்தி உதவுதலே அறமாகும்.

அடுத்தவர்க்கு வரும் துன்பத்தைத் தன் துன்பமாகக் கருதுதல் சான்றோர்க்கே கடமை எனில் இந்த உயர்ந்த பண்பை அனைவரும் பின்பற்ற வேண்டுமல்லவா?

தன்னைப்போல் பிறரை நினை என்னும் விழுமிய ஒழுக்க நெறியை இப்பாடலில் புலவர் வலியுறுத்துகிறார்நாமும் இப்பொன்னுரையை என்றும் பின்பற்றுவோம்.

Followers

Blog Archive