சட்டச் சொற்கள் விளக்கம் 221-225 : இலக்குவனார் திருவள்ளுவன்

 

ஃஃஃ    இலக்குவனார் திருவள்ளுவன்      01 April 2024      அகரமுதல

(சட்டச் சொற்கள் விளக்கம் 216-220 : இலக்குவனார் திருவள்ளுவன் -தொடர்ச்சி)

சட்டச் சொற்கள் விளக்கம் 221-225

221. absolute owner	முழுச்‌ சொந்தக்காரன் ;   தனி உரிமையாளர்   முழுச்‌சொத்துரிமையர் முழு உரிமையாளர்.   தளவாடங்கள், கட்டடங்கள், நிலம், ஊர்திகள் போன்ற சொத்துகளின் ஒரே உரிமையாளர்.   வில்லங்கத்திற்கோ பிணைப்பொறுப்பிற்கோ உட்பட்டிருந்த போதிலும் சொத்தின் முழு உரிமையையும் மாற்றி வழங்கும் தகுதியுடையவர்.
222. Absolute owners of all property .	அனைத்துச் சொத்து முழு உரிமையாளர்கள்   ஒன்றின்மீதான அனைத்து உரிமைகளுக்கும் உரியவரே முழு உரிமையாளர். உடைமை, துய்ப்பு, தீர்வு முதலியவற்றில் எந்தவொரு தடையுமின்றி அனைத்துச் சொத்துகளுக்கும் உரியவராக இருத்தல்.
223. Absolute ownership	முழு உரிமையுடைமை   காண்க: absolute owner
224. absolute power	முழு அதிகாரம்   ஒன்றைச் செயல்படுத்துவதற்கான/ ஒன்றைப் பற்றி முடிவெடுப்பதற்கான அனைத்து அதிகாரங்களையும் கொண்டிருத்தல்.
225. Absolute priority	முழு முன்னுரிமை   தனி முன்னுரிமை   படிநிலையில் முற்பட்டிருக்கும் நிலை.   ஒன்றைப் பெறுவது, கொடுப்பது, ஏற்பது, விற்பது, வாங்குவது, தெரிவு செய்வது, என்பன போன்ற நேர்வில் முந்தி முதலுரிமை பெறுவது.

(தொடரும்)

இலக்குவனார் திருவள்ளுவன்

சட்டச் சொற்கள் விளக்கம் 216-220 : இலக்குவனார் திருவள்ளுவன்

 

ஃஃஃ     இலக்குவனார் திருவள்ளுவன்      28 March 2024      அகரமுதல

(சட்டச் சொற்கள் விளக்கம் 211-215 : இலக்குவனார் திருவள்ளுவன்-தொடர்ச்சி)

சட்டச் சொற்கள் விளக்கம் 216-220

216. absolute monarch	முழு முடியாட்சியர்   முழுமை முடியாட்சி என்பது மன்னர் அல்லது ஆட்சித் தலைவர் தம் சொந்த உரிமை அல்லது அதிகாரத்தில் ஆட்சி செய்யும் அமைப்பாகும்.
217. absolute monopoly	முழு முற்றுரிமை   தனி வல்லாண்மை முழு வணிக உரிமை முழு நிறைவுத் தனியுரிமை முழுத் தனி வல்லாண்மை   தொழிலில் அல்லது வணிகத்தில் அல்லது துறையில் விற்பனையாளர் அல்லது உற்பத்தியாளர் முழு உரிமையுடன் ஆதிக்கம் செலுத்தும் சந்தைக்கட்டமைப்பாகும்.
218. absolute occupancy right	முழு இருப்புநிலை உரிமை   இது நிலையான குத்தகையாளர்,  பாதுகாக்கப்பட்ட குத்தகையாளர், துணைக் குத்தகையாளர் அல்லது பிற குத்தகையாளர் எனக் குறிக்கிறது.
219. Absolute or strict liability	கடுங் கடப்பாடு   குற்றமனம் அல்லது கவனமின்மை இல்லாமலேயே ஒருவரைக் கடுமையான பொறுப்புக்கு ஆளாக்கும் நிலை
220. absolute order	முற்றான கட்டளை   முழுமையான நிறைவான ஆணையைக் குறிப்பிடுகிறது. காண்க: absolute decree

(தொடரும்)

இலக்குவனார் திருவள்ளுவன்

சட்டச் சொற்கள் விளக்கம் 211-215 : இலக்குவனார் திருவள்ளுவன்

 

ஃஃஃ     இலக்குவனார் திருவள்ளுவன்      25 March 2024      அகரமுதல

(சட்டச் சொற்கள் விளக்கம்  206-210 : இலக்குவனார் திருவள்ளுவன்-தொடர்ச்சி)

சட்டச் சொற்கள் விளக்கம்  211-215

211. absolute justice	முழுமை நீதி   முழுமையான நீதி என்பதை ஒரு கோட்பாடாகக் கருதுகின்றனர். குறிப்பாகக் கடற்படையினர், கடல்சார் சோட்பாட்டின் மையக் கொள்கையாகக் கருதுகின்றனர்.   முழுமை நீதி ஆதரவாளர்கள் அனைத்துத் தீய, சட்டஎதிர் செயல்களை ஒழிப்பதையும் அரசாங்கத்தின் சட்டங்களை மீறுபவர்கள் மீது வழக்கு தொடுப்பதையும் மிக உயர்ந்த முன்னுரிமையாகக் கருதுகிறார்கள்.   “எந்த இடர்ப்பாடு குறைபாடு அல்லது ஊறுபாடுகளினால் ஏற்படும் தீங்கிலிருந்து காப்பாற்றும் முழுமை நீதி என்று எதுவும் இல்லை. முழுமையான அல்லது சரியான நீதியின் ஒரு வடிவம் இருக்க முடியாது என்பதால், முழுமையான நீதி இல்லை. மாறாக ஒவ்வொரு தனி சமூகத்திற்கும் நீதி என்பது பார்ப்பவர் கண்ணில் படும் அழகு போன்றது. “ எனப் பலர் கருதுகின்றனர்.
212. absolute law	முழுமைச் சட்டம்   முழுமைச் சட்டம் என்பது அனைத்து மனிதர்களுக்கும் பொதுவானதாக உலகளாவிக் கருதப்படும் அறநெறிகளிலிருந்து உருவான மனித நடத்தைக்கான ஒரு குறியீடாகும்.
213. absolute liability	முழுப்‌ பொறுப்பு   முழுப்‌ பொறுப்புக்‌ கடன்‌; கடும்‌ பொறுப்புக்‌ கடன்‌, கடப்பாடு   ஒருவர், குறித்த நடத்தையில் அல்லது செயலில் பங்கு பெற்றால் அதற்குரிய முழுப் பொறுப்பையும் ஏற்க வேண்டியவராகிறார். இதற்கு உள்நோக்கத்திற்கான அல்லது கவன ஈனத்துக்கான ஆதாரம் எதுவும் தேவைப்படுவதில்லை. எந்தவித எதிர்வாதத்தையும் இதற்கெதிராக முன் வைக்க முடியாது.
214. absolute majority	அறுதிப் பெரும்பான்மை   தனிப்பெரும்பான்மை முழுப் பெரும்பான்மை   கழகம், சங்கம், கட்சி போன்ற அமைப்பு அல்லது நாடாளுமன்றம், சட்டமன்றம் முதலான மக்கள் மன்றங்களில் தகுதியான உறுப்பினர்களில் பாதிக்கு மேற்பட்ட ஆதரவு இருப்பது பெரும்பான்மை. மூன்றில் இரு பங்கு அல்லது அதற்கு மேற்பட்ட ஆதரவு இருப்பது அறுதிப்  பெரும்பான்மை.   நாடாளுமன்றத்தில் அல்லது சட்டப்பேரவையில் ஒரே கட்சிக்குக் கிடைக்கும் மூன்றில் இரண்டு பங்குக்குக் குறையாத  ஆதரவு உள்ளது தனிப்பெரும்பான்மை.
215.absolute minimum	மிகக் குறுமம்   மிகக் குறைந்த மதிப்பு

(தொடரும்)

இலக்குவனார் திருவள்ளுவன்

சட்டச் சொற்கள் விளக்கம் 206-210 : இலக்குவனார் திருவள்ளுவன்

 

ஃஃஃ      இலக்குவனார் திருவள்ளுவன்      21 March 2024      அகரமுதல

(சட்டச் சொற்கள் விளக்கம்  201-205 : இலக்குவனார் திருவள்ளுவன்-தொடர்ச்சி)

சட்டச் சொற்கள் விளக்கம்  206-210

206. absolute duty	பூரணத் தீர்வை வரைக்கட்டு(நிபந்தனை) அற்ற தீர்வை   முழுமைக் கடமை     உடனிணைந்த உரிமைகளற்ற கடமை   வணிகவியலில் தீர்வை வரியைக் குறிக்கிறது.   நேரம், முயற்சி, செலவு ஆகியவற்றைப்பொருட்படுத்தாமல்  தொடர்புடைய ஒழுங்குமுறைக்கேற்பக் கடமையாற்றுதல்.   அ.) பிற தீயரைத்தவிர்த்தல், ஆ.) மக்களைச் சமமாக மதித்தல், இ.) பிறரிடம் உள்ள நல்லனவற்றை ஊக்குவித்தல் ஆகிய முந்நிலைப்பாடும் உள்ளவற்றை முழுமையான கடமை என்பார்கள்.   பூரணம் என்பது தமிழ்ச்சொல்லே. நிறைவு, முழுமை, மிகுதி, முடிவு எனப் பொருள்கள். மிகுதியான மதிப்புடைய 1 எண்ணுக்கு அடுத்து, 52 சுழிகள் இடப்படும் எண்ணின் மதிப்பு பூரி. பூரி எண் பயன்பாட்டில் இருந்த பொழுது முழுமையான எண்ணாக மதிக்கப்பட்டது. அதன் பின்னர் மேலும் உயர்நத மதிப்புள்ள எண்கள் தமிழில் பயன்பாட்டிற்கு வந்துவிட்டன.
207. absolute estate	முழுவுரிமைச் சொத்து   வரம்புகளோ கட்டுப்பாடுகளோ வரைக்கட்டுகளோ இல்லாத முழு உரிமையுடைய சொத்தாகும்.
208. absolute grounds	முழுமையான காரணங்கள்   ஒன்றை ஏற்பதற்கு அல்லது மறுப்பதற்காள முழுமையான காரணங்கள்.
209. absolute immunity	பூரண விடுபாட்டுரிமை   அரசு அதிகாரிகளுக்கான ஒரு வகை இறையாண்மை. தங்கள் கடமையை ஆற்றும் பொழுது ஏற்படும் சேதங்களுக்காகக் குற்றவியல் வழக்கு அல்லது உரிமையியல் வழக்கு தொடுக்கப்படுதிலிருந்து முழு விடுபாட்டுரிமை பெற்றவராவர்.   Immunity என்றால் தடுப்பாற்றல். எனவே, மருத்துவத் துறையில் நோய்த்தடுப்பாற்றலைக் குறிக்கிறது. இத்துறையில் முழுத்தடுப்பாற்றலைக் குறிக்கிறது. சிலர் சட்டத் துறையிலும் இதே பொருளில் குறிப்பது தவறாகும்.
210. absolute interest	முழுமை நலன்   முழுமை உரித்தம் முழு நலன் முழு ஆர்வம்   முழு வட்டி   ஒன்றின் மீதான அரைகுறை மனத்துடன் இல்லாத முழு அளவிலான நிறைவான ஆர்வத்தைக் குறிக்கிறது.   வங்கியியலில் வட்டியை முழுமையாகச் செலுத்த வேண்டியது/செலுத்துவது குறித்துக் கூறுகிறது.

(தொடரும்)

இலக்குவனார் திருவள்ளுவன்

சட்டச் சொற்கள் விளக்கம் 201-205 : இலக்குவனார் திருவள்ளுவன்

 

ஃஃஃ      இலக்குவனார் திருவள்ளுவன்      18 March 2024      அகரமுதலt

(சட்டச் சொற்கள் விளக்கம் 196 – 200 : இலக்குவனார் திருவள்ளுவன்-தொடர்ச்சி)

சட்டச் சொற்கள் விளக்கம்  201-205

201. absolute conveyance	முழுமை உரித்து மாற்றம்   முற்றுரிமை மாற்றம்‌   முழு உடைமை மாற்றம்   உரித்து என்றால் உரிமை உடையது எனப்பொருள். “பனி எதிர் பருவமும் உரித்து என மொழிப” என்கிறார் தொல்காப்பியர்(தொல்காப்பியம் 955).
202. absolute decree	முழுமைத் தீர்ப்பாணை இறுதியாக வழங்கப்பெறும் தீர்ப்பாணையே முழுமையான தீர்ப்பாணை யாகும்.   மணவிலக்கு வழக்கில், மணவிலக்கு நடைமுறையை முடிக்கும் இறுதி ஆணையாகும். அஃதாவது திருமணத்தை முடிவிற்குக் கொணர்ந்து மணவிலக்கு அளித்து விரும்பினால் மீண்டும் திருமணம் செய்ய வாய்ப்பளிப்பது.
203. absolute deed	முழுமைச் சொத்தாவணம்   வரம்போ தடையோ இன்றிச் சொத்தை மாற்றுவதற்கான ஆவணமே முழுமையான சொத்தாவணம்.   அடைமானம் வைத்தவர் அடைமான விதிமுறைகளை நிறைவேற்றியபின் அவருக்கு உரிமை மாறும் அடைமான ஆவணத்திலிருந்து மாறுபட்டது.
204. Absolute discharge	தண்டனை முழு விலக்கு   நிபந்தனையிலித் தண்டனை விலக்கு   குற்றஞ்சாட்டப்பட்டவருக்கெதிரான குற்றச்சாட்டும் குற்றமும் எவ்வகைத்தண்டனையின்றியும் விலக்கப்படும். இது தொடர்பான எத்தகவலும் பதிவும் தண்டனை விலக்கு வழங்கப்பட்ட ஓராண்டிற்குப் பின்னர் யாருக்கும் வெளிப்படுத்தப்பட மாட்டாது.
205. absolute discretion	முழுமையான உளத்தேர்வு   முழுமையான நிறைவான முடிவெடுக்கும் அதிகாரம்.   முடிவெடுக்கும் இவ்வதிகாரம் வேறு எவ்வகையிலும் மட்டுப்படுத்தப் படாதது.   முடிவெடுக்கும் அதிகாரம் வழங்கப்பெற்றவர், எவ்வகை முடிவெடுக்கலாம் என்ற சிக்கல் வரும் பொழுது தன் மனச்சான்று சரி யென்று சொல்வதைத் தேர்ந்து முடிவு காண்பதால்  உளத்தேர்வு எனப்படுகிறது.   எந்த வகையிலும் வரையறுக்கப்படாத அல்லது மாற்றியமைக்கப்படாத முதற்பணத்தை(principal) அறக்கட்டளையின் ஒன்று அல்லது அதற்கு மேற்பட்ட பயனாளிகளின் நலனுக்காகப்பகிர்ந்தளிப்பதையும் குறிக்கும்.

(தொடரும்)

இலக்குவனார் திருவள்ளுவன்

சட்டச் சொற்கள் விளக்கம் 196 – 200 : இலக்குவனார் திருவள்ளுவன்

 

ஃஃஃ     இலக்குவனார் திருவள்ளுவன்      14 March 2024      அகரமுதல

(சட்டச் சொற்கள் விளக்கம் 191-195: இலக்குவனார் திருவள்ளுவன்-தொடர்ச்சி)

சட்டச் சொற்கள் விளக்கம்  196 – 200

196. Absention from intoxicants	(குடி) விட்டொழிப்பவர்     குடிப்பழக்கத்தைக் கைவிடுதல் என்பது மதுபானங்களையும் போதைப்பொருள்களையும் முற்றிலும் தவிர்ப்பதற்கான நடைமுறையாகும்.   மது பானங்களை அளிக்கும் பொழுது போதையில்லா நல்ல குடிவகைகளை அருந்தலாம்.   மதி மயக்கம் தருகின்ற, வெறிஊட்டுகின்ற போதைப் பொருள்களை விலக்குதல் என்பது சமயம், நல் வாழ்வு, உடல் நலம், மெய்யியல்,குமுகம் போன்ற எதன் கரணமாகவேனும் இருக்கலாம்.   காண்க: Abstaine
197. Absoluta Sententia Expositore Non-Indeget	வெளிப்படை மொழிக்கு விளக்குரை வேண்டா   வெளிப்படையாகவும் தெளிவாகவும் உள்ள வரிக்கு/கருத்திற்கு விளக்கவுரை தேவையில்லை.   வெளிப்படையாகப் புரிந்து கொள்ளக்கூடிய தீர்ப்புரைகளுக்குத் தனியே விளக்கம் தேவையில்லை.   இலத்தீன் தொடர். பல நீதிமன்றத்தீர்ப்புகளில்  இத் தொடர் மேற்கோளாகக் குறிக்கப்பட்டுள்ளது.
198. Absolute	முழுமையான    பூரண;முழு; இறுதி; நிபந்தனையற்ற; அறுதி   வரம்பற்ற வரையிலா தனித்த, நிறைவான, முற்று, முற்றுறுதியான   எந்த நிபந்தனைகளும் வில்லங்கங்கமும் தகுதியும் வரம்பும் இன்றி.   திருத்தத்திற்கு உட்படாத முழுமையான.   அரசு அதிகாரத்தைப் பயன்படுத்துவதில் எந்தவகைக்கட்டுப்பாடோ தடைக்கட்டோ இல்லாதிருத்தல்.   வரம்பீடோ, வரைக்கட்டோ எதுவுமின்றி முழுமையான; மாற்றுகைக்கோ முடிவு கட்டுவதற்கோ உட்பட்டிராத, அறுதிமுடிவான. விற்பனை முற்றுறுதியானது (பி.58, (இ)சொ.மா.ச.)
199. absolute assignment	முழுமையான தீர்ப்பாணை முழுமைச் சொத்தாவணம் முழுமையான உளத்தேர்வு உடனிணைந்த உரிமைகளற்ற கடமைகள்   முழுமையான கொடு பணி     முழுவுரிமைச் சொத்து முழுமை நலன் முழுமைச் சட்டம் கடும்பொறுப்பு முழுப்பொறுப்பு தனிப்பெரும்பான்மை முழு உரிமையாளர் முழு அதிகாரம் வரையிலாச் சிறப்புரிமை முழுஉரிமைச் சொத்து முழுப் பொறுப்புரிமை, முழுப் பொறுப்புநிலை முழுமையான தடை     மாற்றாக்கத்தின் பேரில் முழுத் தடை முழு உரிமை முழுமையான உரிமைமூலம்   ஒதுக்கீட்டாளரால் அல்லது உரிமையாளரால் ஒதுக்கீடு பெற்றவர் அல்லது மாற்றுரிமையர், வேறு ஒருவருக்கு மாற்ற இயலாத பரிமாற்றமாகும். ஆய்வுத்திட்டம், செயல் திட்டம் போன்ற ஒன்றை ஒப்படைக்கும் பொழுது அதனைக் கொடுபணி எனல் சரியாகும்.
200. Absolute authority	முழுமை அதிகாரம்   எவ்வகைக் கட்டுப்பாடும் இன்றி அதிகாரத்தைச் செயல்படுத்தும் முழுமையான அதிகார நிலை.

(தொடரும்)

இலக்குவனார் திருவள்ளுவன்

சட்டச் சொற்கள் விளக்கம் 191-195: இலக்குவனார் திருவள்ளுவன்

 

ஃஃஃ   இலக்குவனார் திருவள்ளுவன்      11 March 2024      அகரமுதல

(சட்டச் சொற்கள் விளக்கம் 186-190: இலக்குவனார் திருவள்ளுவன்-தொடர்ச்சி)

சட்டச் சொற்கள் விளக்கம்  191-195

191. absentee	வராதவர், இல்லாதவர்   வசிப்பிடம் அல்லது பணியிடம் முதலான வழக்கமாகக் காணப்படும் இடத்தில் இல்லாதவர்.             காணாமல் போன ஒருவர் அல்லது எங்கே இருக்கிறார் என அறியப்படாதவர் வருகை தராதவராகக் கருதப்படுகிறார். சமூகம் (Presence) அளிக்காதவர் எனக் குறிப்பிட்டு வந்தனர்.
192. Absentee land lord	வராத /செல்லா நிலக்கிழார்;   நிலத்தில் தங்கா நிலக்கிழார், வருகைதரா நிலக்கிழார்,   செல்லாக் கிழவன்   குத்தகைக்கு விடப்பட்ட அசையாத் சொத்தில் இருந்து விலகி இருத்தல் அல்லது சொத்து தொடர்பான எச்சிக்கலையும் நேரடியாகத் தீர்ப்பதற்கு வராதிருத்தல்.
193. Absentee party	வராத தரப்பு   வழக்கு நடைபெறும் பொழுது வழக்கு நாளன்று கேட்பிற்கு வராத தரப்பார்.
194. Absentee statement	வராதோர் பட்டியல்   வராதவர் விவரம் குறித்த அறிக்கை. எடுத்துக்காட்டாகச் சம்பளம் கோரும்பொழுது  யார் யார் – தற்செயல் விடுப்பு, ஈட்டிய விடுப்பு, மருத்துவ விடுப்பு, இசைவின்றி வராமை முதலிய – எக்காரணத்தினால் வரவில்லை என்பது குறித்த விளக்க அறிக்கை.
195. Absenteeism	வராமையம் இராமையம்   பணி நேரத்தில் தக்கக் காரணமின்றி வராமை குறித்த ஆராய்ச்சி.   ஒரு குறிப்பிட்ட காலத்தில் தக்கக் காரணமின்றித் தனியர் அல்லது உழைக்கும் மக்கள் குழாம் பணிக்குச் செல்லாது பணியிலிருந்து விலகியிருக்கும் நாள்களின் நிலை. பாலினம், பதவி நிலை, அகவை நிலை போன்ற ஏதேனும் ஒரு பிரிவினர் பணிக்கு வராதநிலைமை.

(தொடரும்)

இலக்குவனார் திருவள்ளுவன்

சட்டச் சொற்கள் விளக்கம் 186-190: இலக்குவனார் திருவள்ளுவன்

 

ஃஃஃ      இலக்குவனார் திருவள்ளுவன்      07 March 2024      அகரமுதல

(சட்டச் சொற்கள் விளக்கம் 181-185: இலக்குவனார் திருவள்ளுவன்-தொடர்ச்சி)

சட்டச் சொற்கள் விளக்கம்  186-190

186. Absence, leave of	வாராததிற்கான அனுமதி   வராமைக்கான இசைவு   வர வேண்டிய நேர்வில் உரியவர்களிடம் முன் இசைவு பெற்று வராமையைக் குறிப்பிடுகிறது.
187. Absent	இராத வந்திராத, இல்லாத   காண்க: absence   Present என்பது நேர்வந்திருத்தல்/நேர் வருகை எனவே, Absent   என்பது நேர் வராமை.
188. Absent minded	கவனக்குறைவான   மறதியான நினைவற்ற
189. Absent on leave	விடுப்பில் வராமை   தற்செயல் விடுப்பு, மருத்துவ விடுப்பு, ஈட்டிய விடுப்பு போன்ற முறையான இசைவு பெற்று விடுப்பில் சென்றிருத்தல்.
190. Absente reo	எதிர்வாதி வராமை     சாட்டாளி(accused) வராமை, குற்றஞ்சாட்டப்பட்டவர் வராமை, குற்றவாளி வராமை, (பிரதிவாதி வராதிருத்தல்‌ – பிரதிவாதி தமிழ்ச்சொல்லன்று)   இலத்தீன் தொடர்

(தொடரும்)

இலக்குவனார் திருவள்ளுவன்