Wednesday, December 17, 2014

கலைச்சொல் தெளிவோம்! 4.] தோலும் அதளும் : இலக்குவனார் திருவள்ளுவன்

கலைச்சொல் தெளிவோம்! 

4.] தோலும் அதளும் : இலக்குவனார் திருவள்ளுவன்

 kalaicho,_thelivoam01leatherskin
 தோலும் அதளும் – (skin and leather)

தொல்லியல், பொறிநுட்பவியல், கால்நடையியல் ஆகியவற்றில் leather-தோல் எனப்படுகின்றது; மனையியலில் பதனிட்ட தோல் எனப்படுகிறது. வேளாணியல், தொல்லியல், மருத்துவயியல், கால்நடையியல் ஆகியவற்றில் skin-தோல் எனப்படுகின்றது. இவற்றை வேறுபடுத்திக் கூற வேண்டும்.
அதளன்(1) (அகநானூறு 274.6)
அதளோன் றுஞ்சுங் காப்பின் (பெரும்பாண் ஆற்றுப்படை 151)
அதட்பள்ளி- தோற்படுக்கை
இலைவேய் குரம்பை உழைஅதள் பள்ளி – மதுரைக் காஞ்சி
310
மெய்உரித்து இயற்றிய மிதிஅதள் பள்ளித் – மலைபடுகடாம் 419
ஞெலிகோல் கலப்பை அதளொடு சுருக்கிப் – நற்றிணை 142.3,
களிற்றுத் துப்பு அஞ்சாப் புலிஅதள் இதணத்து – நற்றிணை 351.7
வரிஅதள் படுத்த சேக்கை, தெரிஇழைத் – அகநானூறு 58.4,
பூங்கொடி அவரைப் பொய்அதள் அன்ன – அகநானூறு 104.8
பெருங்களிற்று மருப்பொடு வரிஅதள் இறுக்கும் – அகநானூறு 109.13
புலிஉரி வரிஅதள் கடுப்ப, கலிசிறந்து – அகநானூறு 205.19
அதள்எறிந் தன்ன நெடுவெண் களரின் – புறநானூறு 193.1
அதள்உண் டாயினும் பாய் உண்டாயினும் – புறநானூறு 317.3
மான்அதள் பெய்த உணங்குதினை வல்சி – புறநானூறு 320.10
இருங்கேழ் வயப்புலி வரிஅதட் குவைஇ, – புறநானூறு 374.14
இங்கெல்லாம் மான்தோல், புலித்தோல் முதலானவை அதள் எனக் குறிக்கப் பட்டுள்ளன.
தோல் படுக்கையை உடையவனை அகநானூறு (274.6) அதளன் என்றும் பெரும்பாணாற்றுப்படை(151) அதளோன் என்றும் குறிப்பிடுகின்றன. எனவே, நாம்
skin – தோல் என்றும்
leather – அதள் என்றும்
வேறுபடுத்திக் கூறுவது பொருத்தமாக இருக்கும்.
   – இலக்குவனார் திருவள்ளுவன்


அகரமுதல 57



Followers

Blog Archive