(சட்டச் சொற்கள் விளக்கம் 916 – 920 : இலக்குவனார் திருவள்ளுவன் – தொடர்ச்சி)
சட்டச் சொற்கள் விளக்கம் 921 – 925
| 921. assistance, receive; receive assistance | ஏற்கை உதவி பெறுகை உதவி கைக்கொள் உதவி உதவி பெறல் உதவி ஏற்றல் சட்ட அடிப்படையில், உதவி பெறுவது என்பது வழக்கில் வழக்கறிஞரை அமர்த்த முடியாத பொழுது இலவயச் சட்ட உதவியை ஏற்பதாகும். வழக்கு நுட்பம் சாந்த சட்ட அறிவுரைகளைப் பெறலையும் குறிக்கும். |
| 922. assistance, render ; render assistance | கை கொடுத்தல் உதவிக்கரம் நீட்டல் render என்பதற்கு விட்டுக்கொடு, திருப்பிக்கொடு, ஈடாக அளி, ஒப்படை, வழங்கு, அளி, மாற்றாகக் கொடு, சீராக்கம் செய், தொண்டு செய், மொழிபெயர், காண்பி, செலுத்து எனவும் மேலும் பொருள்களும் உள்ளன. இதற்கு உதவுதலே இத்தொடரின் பொருள். சட்டத்துறையில் ஒரு வழக்குரைஞர் அல்லது அவரின் மேற்பார்வையின் கீழ்ச் செயல்படும் ஒருவர் சட்ட அறிவுரை வழங்கல் அல்லது வழக்கில் சார்பாக நிற்றலைக் குறிக்கும். |
| 923. assistance, Request ; Request assistance | உதவி வேண்டல் வழக்கு தொடர்பில் சட்டமுறைக்கான உதவி வேண்டல் வழக்கு தொடர்பிலான தகவல்களைத் திரட்டல், சிக்கல்களைப் பகுப்பாய்வு செய்தல் போன்றவற்றிற்கு உதவுதல். |
| 924. assistance, require; require assistance | கோரும் உதவி உதவி கோரு தேவைப்படும் உதவி require என்பதற்கு வேண்டு, கேள், விரும்பு, கோரு, அவாவிக்கோரு, உரிமைக் கோரிக்கையிடு, செயற் கட்டளையிடு, ஆணைக்குறிப்பு தெரிவி, வலிந்து கோரு, தேவைப்படு, இன்றியமையா நிலையுடையதாயிரு எனப் பல பொருள்கள். வழக்கு தொடர்பில் தேவைப்படும் சட்ட உதவியைக் குறிக்கிறது. |
| 925. assistance, roadside ; roadside assistance | சாலையிடர் உதவி ஊர்திப் பழுது உதவி(breakdown coverage) என்றும் அழைக்கப் பெறும். breakdown coverage என்பது சாலை மோதல் அல்லது சாலை நேர்ச்சியின் பொழுது ஊர்திகளுக்கான சேதத்திற்கு வழங்கப்படும் இழப்பீடு அல்லது காப்பீடு போன்றவற்றில் ஈட்டடக்கமாக (coverage) அமைவது. இதையே உதவியாக இங்கு குறிக்கிறோம். roadside என்றால் சாலைப்பக்கம் என்றுதான் நேர் பொருள். எனினும் சாலையில் செல்லும் ஊர்திகளுக்கு நிலையான சீரமைவு இல்லாத போது இடைக்காலமாகச் சீர் செய்வதற்கு உதவி செய்வது. ஊர்தி மோதல் அல்லது நேர்ச்சி தொடர்பான வழக்குகளில் இத் தொடர் இடம் பெறுகிறது. |
(தொடரும்)
இலக்குவனார் திருவள்ளுவன்
No comments:
Post a Comment